Ауыл халқы үшін мобилді байланыс маңызды
Жангелдин ауданы облыс орталығынан шалғайда орналасқан жалғыз ауданнның бірі. Мал шаруашылығымен күнелтіп отырған халықтың ұсыныс пікірлеріне облыс басшылығы назар аударып келеді. Соңғы 2 – 3 жыл көлемінде инфрақұрылым жобасы қарқынды даму үстінде. Әсіресе, қызбел ауылдық округінде бірқатар ауқымды құрылыс жұмыстары істеліп жатыр.
Жуырда «Цифрлық Қазақстан» мемлекеттік бағдарламасының шеңберінде Қызбел ауыл округіне қарасты Саға, Бидайық, Құмшық ауылдарына ұялы байланыс желісін орнатуға облыстық бюджеттен қаражат бөлінді. Арнайы портал арқылы конкурс ұйымдастырылып мердігер анықталды. Яғни, «Қаракесек-НТ» жауапкершілігі шектеулі серіктестігің басшысы Айгүл Жәнібекова мердігер атанып, ұялы байланыс мұнарасын орнату жұмысарын бастап кетті.
«Мобильді ұялы байланыс мұнарасын орнату үшін Бидайық 27 млн 700 мың, Саға -27 млн 072 мың, Андағұл 36 млн 300 мың теңге, Құмшық -12 млн 806 мың теңге бөлінді. Бүгінгі таңда Саға, Бидайық, Андағұл, Құмшық ауылдарына фундаменті орнатылып, антенналары тұрғызылды. Электр желілері тартылды, сеткамен қоршау жұмыстары аяқталды. Саға, Бидайық, Андағұл жеріне биіктігі 30 метр антенна діңгек құрылысы салынды. Құмшық ауылына биіктігі 24 метрлік СК-26 байланыс тірегі салынды. Жаңа жылдан кейін 3G/4G мобильді ұялы байланыс қызметімен қамтамасыз етеді деп күтілуде», – дейді округ әкімі Қайсар Нұрғазин.
Көп ұзамай ауыл халқы қолжетімді интернетке қол жеткізіп, қаладағы ағайын туыстарымен емін – еркін сөйлесе алады.
Байбатыр АХМЕТБЕКОВ
Суретті түсірген: Айгерім Қожахметова
Специалисты также определяли тип личности граждан, находящихся на пробации (далее…)
В Аулиекольском районе запустили проект, направленный на формирование позитивных ценностей в брачно-семейных отношениях среди молодежи.…
В рамках реализации концепции развития жилищно-коммунальной инфраструктуры до 2026 года в районе началась реализация масштабных…
Тасқын судың қарқыны баяу (далее…)
Ипотека – это один из лучших способов приобретения жилья в Казахстане. Насчет ипотеки можно встретить…
Шолақсай ауылында Науырзым ауданының құрылғанына 60 жыл толу орайына және “Біртұтас тәрбие” бағдарламасы аясында Шолақсай…
This website uses cookies.