Ақшасына мал бақпайтын адамдар бар
Жалпы, аудан, ауыл әкімдерінің есеп беру кездесулерінде көтерілетін басты мәселе, ірі қара малын кезекпен бағу жиі айтылады. Бірақ, жергілікті тұрғындардың ірі қара малын кезекпен бағуға еш құлықтары жоқ. Оның үстіне өрісте жүрген малы жоғалса, жергілікті полиция өкілдеріне шағымданып, тауып берулерін өтінеді. Қазіргі уақытта аудан орталығында ірі қара малдары көше кезіп жүр. Саябақтарға кіріп, ішін ластап, маза бермегесін Торғай аулының әкімшілігі мен полиция өкілдер бірлесіп, арнайы темір шарбаққа қамап қояды. Тіпті, қараусыз жүрген малдың иелеріне полиция қызметкерлері айыппұл салған. Себебін сұраса орталыққа кірген сиырларға айыппұл төлету заң бар екенін алға тартқан.
«Менің үйім орталықта тұрады. Масалап келген сиырым үйдің қасына келіп тұрған жерінен жергілікті полиция өкілі Жасұлан Манатұлы айдап апарып, қамап, маған хабарласып, айыппұл төлетті. Сонда менің сиырым үйге келу үшін аяғы жерге тимей, аспанмен ұшып келе ме? Егер орталықтағы саябақта жүрсе, онда еш қарсылығым жоқ. Малмен күнкөріп отырған халықты дәл осылай қыспаққа ала берсе, көшу мәселесі тоқтамайды. Өйткені бұл жердегі адамдардың көбісі мал үшін отыр. Сондықтан осы мәселенің нүктесін қою керек», – дейді аудан тұрғыны Алпыс Тұрман.
Қазір жердің бәрі көк шөп. Маса да көп. Өріске кеткен сиырлар түске жетпей қайтып келеді. Шанышқақ тиген мал айнлып үйріліп, үйге келеді. Рас, кейбір малдар орталық саябақтарда сайран құрып жүреді. Көшелерді ластайды. Жұмыссыздықта жүрген адамдар көше тазалығына үнемі назар аударады.
«Біз саябақтарда жүрген сиырларды арнайы орынға апарып қамаймыз. Қазір аптасына бір рет сенбілік жұмыстарын жасап жатырмыз. Бір жағынан тазалап жатсақ, екінші жағынан сиырлар бүлдіріп жатады. Таңертеңнен кешке дейін көше тазалап жүрген жұмыссыздықтың адамдарына да оңай емес. Малды кезекпен бағу мәселсін қолға алу керек», – дейді Торғай ауылының әкімі Кемеңгер Қарағұл.
Жұмыссыз жүрген жастар мен жас отбасылар бар. Бірақ, олар ақшасына мал баққысы келмейді. Үкіметтің балаға төлейтін жәрдемақысын алып, көлеңкеде жүргенді ұнатады. Бір күн мал кезек өткізі 5 – 7 мың теңге. Айына есептесеңіз 150 – 210 мың теңге. Бұл бір отбасы үшін үлкен табыс.
Байбатыр АХМЕТБЕКОВ
15 ноября в районном Доме культуры состоялась встреча акима Камыстинского сельского округа Бейбита Мендаулетова с…
Мария Мазанко из Карабалыка победила редкое заболевание благодаря квалифицированной помощи врачей Костанайской областной больницы, сообщили…
Так она заработала более 2,3 млн тенге (далее…)
Мужчина после отказа стража порядка брать деньги положил в полку на приборной панели патрульной машины…
Автолюбители высказывают недовольства из-за незавершенного ремонта дорожного полотна (далее…)
Былтыр Қамыстының Қарабатыр ауылына бүтіндей бес отбасы көшіп келді. Биыл Моңғолия елінің Бай-Өлке аймағының Сақсай…
This website uses cookies.