Жанкелдин ауданында ауыл шаруашылығы қызметкерлерінің күні мерекеленді

 Елеулі еңбектерімен еленгендер

Бүгін ауыл шаруашылығы және қайта өңдеу өнеркәсібі қызметкерлерінің күні мерекеленді.
Оған облыстық ветеринария басқармасының басшысы Берікжан Балапанұлы, аудан әкімі Шота Оспанов, еңбек ардагерлері және шаруа қожалықтары қатысты.

Облыстық басқармв басшысы құттықтау сөз сөйлеп, еңбек адамдарына тілегін арнады.
Сонымен қатар, облыс әкімінің құрмет грамотасын шаруа қожалық басшыларына салтанатты түрде табыстады. Ауыл шаруашылық министрінің алғыс хаттарын табыс етті.

Аудан әкімі Шота Оспанов, ізгі тілеген арнап, еңбек адамдарының мерейін өсірді. Мал шаруашылығымен айналысып отырған шаруа қожалықтарының еңбегі ұшан теңіз екенін тілге тиек етті. Сондай- ақ, ауданның ауыл шаруашылық саласына қосқан үлесі үшін бірқатар шаруа басшыларын аудан әкімінің грамотасымен марапаттады.

Бас қосудан кейін барлық меймандар мен шаруа қожалықтарына мерекелік дастархан жайылды.

Байбатыр АХМЕТБЕКОВ
Суретті түсірген: автор.