Жанкелдин ауданына жыл қорытындысы бойынша сала қызметкерлері марапатталды

 Жыл үздіктері анықталды

Аудандық мәдениет бөлімінің бастамасымен екінші рет ұйымдастырылып отырған “Жыл үздігі-2024” байқауында үздіктердің есімдері анықталды.
Мәдениет үйінде өткен іс- шарада аудан әкімі Дінмұханбет Бидашев тұрғындарды жаңа жыл мерекесімен құттықтады.

“Баршаңызды келе жатқан жаңа жыл мерекесімен құттықтаймын. Жаңа жыл жаңа бақыт, жаңа табыс әкелсін. Жылан жылы ауданымыздың өркендеу жолында жаңа серпін береді деген ойдамын. Өткен жыл ауданымыз үшін табысты жыл болды. Әлеуметтік экономикамыз ілгері қадам басты. Ал, бүгінгі шараның мақсаты, сала қызметкерлерінің еңбегін елеп, кейінгілерді ынталандыру. Әрқайссыңыз еліміздің өркендеуіне үлес қосып келесіздер. Жыл табысты, отбастарыңызға баянды бақыт тілеймін”,-деді аудан әкімі.

Сонымен қатар, арнайы құрылған комиссияның шешімен анықталған жыл үздіктерін төсбелгімен марапаттады. Салтанатты шара мерекелік концертпен аяқталды.

Байбатыр АХМЕТБЕКОВ
Суретті түсірген: автор