Жанкелдин ауданы, Милісай ауылында спорт залы ашылды

Ауылға көңіл бөлінді

С. Мәуленов атындағы жалпы білім беретін мектебінің жертөресінен спорт залы ашылып, пайдалануға берілді. Жаңадан ашылған спорт залды қажетті жабықтармен “Қазақстан халқына” жобасы аясында құрылған “Батыр боламын” қоғамдық қорының өкілдері толығымен қамтыды.
Бокс, күрес, тоғызқұмалақ, стол тенниси үйірмесіне әкелген жабдықтардың құны 10 млн теңге болады екен.
Спорт нысанының ашылу салтанатына жергілікті билік өкілдері және аталмыш қоғамдық қордың негізін қалаушы Арман Уахап пен қор Президенті Ернұр Сәбікенұлы қатысты.

Іс-шара барысында демеушілер, білім бөлімінің өкілдері, ауыл тұрғындары, спорт мектебінің басшылары тілектестіктерін білдірді.
Ауыл әкімі Ербол Досмағанбетов тұрғындар атынан қоғамдық қордың өкілдеріне ризашылығын жеткізіп, аудан әкімінің алғыс хатын Арман Уахап пен Ернұр Сәбікенге табыстады.

“Шалғайдағы ауыл үшін бұл үлкен қуаныш. Енді мектеп оқушылары кез келген спортпен шұғылдануына мүмкін алды. Сіздерге шын жүректен алғысымды білдіремін. Елімізде сіздердей атымтай-жомарт демеушілер көп болсын. Жас ұрпақтың болашағы үшін алаңдаған сіздерге Алла разы болсын. Еңбектеріңіз еленіп, халықтың ақ батасын ала беріңіздер”,- деді ауыл әкімі.

Ауыл тұрғыны Әмірбек Доспабаев қор ұжымына ат мінгізді. Игілікті шараның жалғасы ретінде қазақ күресінен байрақты бәсеке өтті. Қол тірес, гір көтеру сайыстары жанкүйерлердің делебесін қыздырды. Жеңімпаздар анықталып, арнайы марапатталды.

Байбатыр АХМЕТБЕКОВ