Жанкелдин ауданы, А.Байтұрсынұлы ауылындағы ұлы жылагшық өзенінің су деңгейі көтеріліп жатыр

 Ауыл тұрғындары дабыл қақты

Өткен жылғы алапат су тасқынынан жүректері шайылып, үйрейленіп қалған ауыл тұрғындары «Жыланшық өзенінің суы жағаға жайылып жатыр» деп дабыл қақты. Апат айтып келмейді. Ауылды су басу қауіпі бар деген халық сақтық шараларына мән беру керектігін алға тартты. Ал, мамандардың айтуынша ешбір алаңдаушылық жоқ деп отыр.

«Бұл жағдай ауа райының күрт өзгеруіне байланысты болғандықтан табиғи құбылысқа жатады. Біресе жылып, біресе суыды. Күн салқындаған уақытта мұз қалындап, салмағы артады. А.Байтұрсынұлы ауылына еш қауіп төніп тұрған жоқ. Алдын алу жұмыстары жасалды. Жергілікті төтенше жағдайлар бөлімінің мамандары күнделікті қадағалап. Назарға ұстап отыр», – дейді облыстық төтенше жағдайлар департаментінің баспасөз қызметі.

Биыл қыс аса қатты болмаса да қар қалын. Барлық елді мекендерді су басу қауіпі бар. Сол себепті жергілікті билік барлық ауыл, ауылдық округтерді аралап, түсінік жұмыстарын жүргізуде. Төтенше жағдайлар бөлімінің мамандары да күнделікті ауылдарды аралап, су деңгейлерін бақылауда ұстап отыр.

Байбатыр АХМЕТБЕКОВ