Кешегі 90-жылдары ел үдере көшіп, қиын кезеңдерді бастан кешті
Жекешелендіру уақытында біраз адамдар жұмыссыз қалды. Ал, пысықайлар ебін тауып, жалақыларының есебінен техникалар мен иесіз қалған ғимараттарды өздерінің меншіктеріне жекешелендіріп алды. Енді бірі мал бағумен айналысып, «Бозайғыр», «Қошалақ» елді мекендеріне тұрақтады. Аудан орталығындағы тұрғылықты халық шарасыздан сауда – саттыққа бет бұрды. Қыстың сары аязына домығып, жаздың аптаған ыстығына күйіп, көше базарларында пісте сатып отырған аналарымызды көзіміз көрді. Алматыдан ала сумкамен зат тасып, кәсіпке бейімделген әйелдер қауымы бала – шаға мен отбасының қамы үшін табандарын тоздырды. Сол еңбек сүйгіш жандардың бірі Гүлсім Сейтенова еді. 29 жыл сауда саласымен айналысып, кәсібінен нәсіп тауып отырған ана.
– Қиындыққа толы өтпелі күндерді көзбен көрдік. Тіпті аудан тұрғындары бір – бірінен шелектеп ұн тасып жүрген кездер де болды. Ішерге тамақ, киерге киім таппай отырған отбасылар қаншама еді. Жоқшылық пен қымбатшылыққа тап болған елдің бірден оңалып кетуі оңайға соқпады. Жолдасым Серік екеуміз қалайда- олай тығырықтан шығудың жолын іздедік. Бір мәмілеге келіп, сауда – саттықпен айналысуға бел будық. Ала сумканы арқалып, Алматы қаласынан киім тасыдық. Арасында азық – түлік сатуды да қолға алдық. Жасыратыны жоқ бас кезінде екі – үш жыл қатты қиналдық. Артынша, оғанда ет үйреніп, тиыннан теңге құрап, ел қатарына қосылдық. Қазір Аллаға шүкір сол тынымсыз еңбектің арқасында балаларымызды жеткіздік. Қолдан келгенше оқыттық. «Қызды қияға, ұлды ұяға қондырдық». Жеке кәсіпкер атанып, елге де өзімізге де қызмет жасап жатқан жайымыз бар. Кәсіпкерлерге мемлекет тарапынан қолдау көп болды. 2018 жылы «Дәмді» отбасылық дәмханасын аштық. Адам жаны түршігерлік қиын уақыттарды кейінгі ұрпақтың басын бермесін деп тілеймін. Ең бастысы адамға төзімділік пен сабыр және қанағат керек. Сонда ғана алдағы мақсаттарға жетесің, – дейді жеке кәсіпкер Гүлсім Төлеуқызы.
Расында, мол табыстың көзін кәсіптен іздеген ләзім. Алаштың ұлы көсемі А.Байтұрсынұлы: «Білімді болуға оқу керек. Бай болуға кәсіп керек. Күшті болуға бірлік керек. Осы керектің жолында жұмыс істеу керек», – деп бекер айтпағанын ұғынымыз дұрыс шешім.
Байбатыр НИЯЗБЕКҰЛЫ
Капитальные работы здесь не проводились более 20 лет (далее…)
Производство здесь было остановлено десятки лет назад, и сейчас на этом месте остались лишь руины…
Доступ к современным технологиям позволяет мендыкаринским школьникам расширить свои знания (далее…)
Қарашаның 7-ші жұлдызында аудан орталығында орналасқан Ғаббас Жұмабаев атындағы Боровской мектеп-гимназиясының төрінде ұлағатты ұстаз Қапар…
В результате незаконно было присвоено 720 тысяч тенге. Эти деньги уже вернули в бюджет. (далее…)
Единство народа, готовность протянуть руку помощи в трудную минуту всегда отличали казахстанский народ. Депутаты Костанайской…
This website uses cookies.