Жангелдин ауданында «Жақсылық жаса» атты қайырымдылық акциясы ұйымдастырылды

Қазақстан халқының бірлігі күні мерекесіне арналған іс-шаралар тұжырымдамасы негізінде аудан көлемінде игілікті істер жүзеге асып жатыр

Мақсатты топтың негізгі бағыты көп балалы және аз қамтылған отбасыларға, көмекке мұқтаж адамдарға қол ұшын беру. Осы орайда ауданымыздағы ерікті жастар «Жақсылық жаса» атты қайырымдылық акциясын ұйымдастырды. Олар Ғ. Қайырбеков көшесінің тұрғыны, жалғыз басты ана, зейнеткер Несібелді Құлмағанбетованың шаңырағына барып, хал – жағдайын білді. Қарт ананың күнделікті күйбен тіршілігімен танысты. Артынша, азық – түлік салған қағаз жәшікке тапсырды. Қасиетті Рамазан айында жақсылық жасасаңыз еселеп қайтады.

– Бұл акция көп жылдардан бері көп балалы, аз қамтылған және қиын өмірлік жағдайға тап болған отбасыларға көмек көрсету мақсатында жұмыс істеп келеді. Азық-түлік тарату, ақша жинау, заттар мен бірінші қажеттіліктерді қамту міндеттемелерін жоспарға енгізіп отырмыз. Әр отбасындағы қариялар мен балалар біздің жылуымыз бен қамқорлығымызға бөлену үшін қолымыздан келгеннің бәрін жасаймыз, – дейді еріктілер ұйымы.

Гүлжан БӨЛЕГЕН