Гүлбақыт Жаңбырбаева Сарысу аулының тумасы
28 жастағы жас келін «Бұлбұл» әнін айтып, әлеуметтік желі арқылы хитқа айналды деп желі қолданушылар жарыса жазды. Бұған дейін облыс көлемінде танылып, елді аузына қаратқан ерекше үнді әнші болатын. Тұрмыс құрғаннан кейін өнерден сәл ғана алыстағаны рас.
Егер қателеспесем, Алтынсарин аудандық мәдениет үйінің директоры болып тұрған уақытта Біржан Жүзбаев талантты қарындасының өнеріне тәнті болып, жұмысқа орналастырды. Нұр-Сұлтан қаласында жүрген жерінен «Дипломмен – ауылға!» бағдарламасы бойынша шақырып алып, өнерінің шыңдалуына себепкер болды. 2018 жылы ауданымыздың 90 жылдық мерейтойында «Торғай әуендері» байқауына қатысып, бұрмалаушылықтың салдарынан бас жүлдеден қағылды.
Қазіргі таңда Шилі ауылының ибалы да инабатты келіні. Туысқандарының тойында ән салған видеосы лезде әлеуметтік желіге тарап кетті. Today_qaz, tiktok.kazakstan, Kaz.eхk.kz сайттары көзді ашып жұмғанша жас келіннің есімін республикаға танытты. Әлеуметтік желі арқылы бір күнде танымал боламын деп әсте ойламаған. Негізгі мамандығы дирижер. Қазақстан бойынша білім сапасы жоғары саналатын Ы. Алтынсарин атындағы Арқалық мемлекеттік педагогикалық институтының түлегі.
– Тұрмысқа шыққанға дейін тойларға шығатынмын. Республикалық байқауларда жүлделі орындар алып жүрдім. Қазір декреттемін. Екінші сәбиімізді күтіп отырмыз. Туыстардың тойларында ара-тұра ән айтқаным болмаса, өнер саласынан алыстап барамын. Егер ата – енем, жолдасым қарсы болмай бір мүмкіндік беріп жатса, болашақта өнерімді дамытқым келеді. Ең басты арманым үлкен сахналарда ән айту. Алайда сол арманы ауылда қалып қоя ма деп алаңдаймын. Ән жаздыру үшін ақша керек. Ауылда тұрған бізде ондай мүмкіндік қайдан болсын. Демеушілер болып жатса еш қарсылығым жоқ. Өнер таразысын бағамдай білген халық «Бұлбұл» келін деген атап беріп, мерейімді өсірді, – депті «Express Qazaqstan» сайтының тілшісіне берген сұхбатында.
Жасанды дауыспен ән айтып, әлеуметтік желі арқылы танылып жүргендер қаншама. Ән көп – сапа жоқ. Оларға қарағанда қазақ елін әлемге танытқан Бибігүл Төлегенова, Роза Бағланова апалармыздың сара жолын жалғап, табиғи дауыспен, әсем әуенмен үндескен Гүлбақыттың болашағы жарқын. Айтып ауызы жиылғанша есімі бір күнде танылған «Бұлбұл» үнді жас келін өне жұлдызына айналсын деген тілектеміз.
Байбатыр НИЯЗБЕКҰЛЫ
15 ноября в районном Доме культуры состоялась встреча акима Камыстинского сельского округа Бейбита Мендаулетова с…
Мария Мазанко из Карабалыка победила редкое заболевание благодаря квалифицированной помощи врачей Костанайской областной больницы, сообщили…
Так она заработала более 2,3 млн тенге (далее…)
Мужчина после отказа стража порядка брать деньги положил в полку на приборной панели патрульной машины…
Автолюбители высказывают недовольства из-за незавершенного ремонта дорожного полотна (далее…)
Былтыр Қамыстының Қарабатыр ауылына бүтіндей бес отбасы көшіп келді. Биыл Моңғолия елінің Бай-Өлке аймағының Сақсай…
This website uses cookies.