Сарыкөл кентінде қар шығару жұмыстары қарқын алды

Бұл жұмыстармен «Мелоян С.В.» ЖК айналысып жатыр

Жеке кәсіпкерлік кенттің ең қарлы, өту қиын аумақтарынан екі күнде 3000 текше метр қар шығарды.
Жалпы, Сарыкөл кентінің әкімдігі мекемелер мен ұйымдардың басшыларына және дүкен иелеріне алдын ала 63 хабарлама жіберсе, ал кент тұрғындарына жеке аулалар мен іргелес аумақты қардан тазарту жұмыстарын жүргізу қажеттігі туралы 640 хат таратқан.
-Биылғы қыс өте қарлы болды. Тұрғын үйлерді, әкімшілік ғимараттарды су басуды болдырмау үшін қоғамдық қызметкерлер су өткізу құбырларын, жаяу жүргіншілер тротуарларын тазалау жұмыстарын жүргізуде. Сонымен қатар, «Мелоян С.В.» ЖК өз міндеттерін атқаруда, – дейді Сарыкөл кентінің әкімі Сергей Горшенин.

Сергей Витальевич төтенше жағдайларға жол бермеу мақсатында Сарыкөл кентінің тұрғындарына су өткізгіш арықтарға қар жинамауға, өткелдердегі су өткізгіш құбырларды тазалауға, үйлердің қабырғалары мен шатырлары және іргетасындағы қарларды тазалауға шақырады.

Руслан ӘЛКЕЕВ