Облыс бойынша бастау алған қайырлы іске сарыкөліктер де өз үлесін қосты
15 маусымда «Қабдеш ата» мешітінің ауласында жергілікті биліктің қолдауымен ауданның барлық ауылшаруашылық тауар өндірушілерінің демеушілік жасауымен мал шалынып, тасаттық берілді.
Мешіт жамағаты мен игі іске атсалушылар истисқа намазын оқып, Аллаға дұға қылып, шүкіршілік жасады. Ауданның бас имамы Асылхан қажы Түсіпбек тасаттықтың батасын беріп, жиналған жамағатқа тасаттықтың мән-маңызы турасында сөз қозғап уағыз айтты. Асылхан қажы Мұханбетжанұлы өз сөзінде тасаттықтың Алла тағаладан дұға қылу, тілеу, біздің тілек-дұғамыздың қабыл болуына себеп болатын үлкен бір жақсы амал біріншіден құрбан шалу екенін атап өтті. Ал, екіншіден, көп балалы, тұрмыс жағдайы төмен отбасыға қаражаттай немесе азық-түлікпен көмек көрсетіп, ол кісілерді қуанту керектігін жеткізді. Сондай-ақ, оларды риза қылатын болсақ, әрине, біздің дұға-тілегіміздің қабыл болуына үлкен себебі тиетінін атап өтті. Сауабы мол қайырлы іске аудан әкімі Амантай Балғарин арнайы қатысып, жүрекжарды лебізін білдірді.
– Құрметті азаматтар, ауылдастар. Бүгін міне, үлкен бір іс-шара өткізіп жатырмыз. Қазақ айтпақшы, бір ел болып, аудан бойынша бәріміз бас қосып, тасаттық берудеміз. Алла тағаладан жаңбыр тілеп, елдің амандығын, жердің ырыздығын мол қылуды сұрап жатырмыз. Ел азаматтары, қожалық басшылары қолдап бір жағадан бас, бір жеңнен қол шығарып, бірлігімізді паш етудеміз. Сондай-ақ, осы игі бастама арқылы жағдайы төмен, көп балалы отбасыға қаржылай да қолдау көрсетіледі. Ең басты ниет – егін бітік болып, елімізде жақсылық болып, еліміз-жеріміз гүлдене берсін деп тілейміз, – деді Амантай Кәкімбекұлы.
Айта кеткен жөн, тастатыққа сойылған малдың еті жағдайы төмен, жалғыс басты және көп балалаы 40 отбасыға таратылды. Сонымен қатар, аудан кәсіпкерлерінің демеушілігімен 2 млн. қаражат жиналып, 20 отбасыға 100 мыңнан үлестірілді. Мінеки, осындай сауапты істің басы-қасында жүрген атқа мінер азаматтарымыз барда, мешіт жамағаты мен жомарт жүректі кәсіпкерлеріміз жанымызда жүргенде елдің жағдайы ешуақытта елеусіз қалмайды. Бұл тасаттық тек қана жаңбыр сұрау үшін ғана емес, биылғы жыл шөбіміз шүйгін, жеріміз отты болсын, құтты берекелі жыл болсын деген ізгі мақсаттың негізінде атқарылды.
Руслан ӘЛКЕЕВ
Отчеты акимов областей о социально-экономическом развитии за прошедший год - это своеобразные итоги года, которые…
Уютное кафе-столовая открылось в рамках господдержки предпринимательства (далее…)
Орталық алаңға мұз қалашықтар салынады (далее…)
Машықты маман еңбегі бағаланды (далее…)
Дело прекращено за отсутствием состава правонарушения, сообщает "ТоболИнфо" (далее…)
Обе стороны представляют именитые адвокаты (далее…)
This website uses cookies.