Саяси қуғын-сүргін құрбандарына арналған монумент
Арқалықта жаңа монумент бой көтерді. Тәу ететін киелі орынның ашылуына қаладағы ақсақалдар мұрындық болған.
Монумент ашылғаны күні арқалықтық бір топ ақсақал, саяси қуғын-сүргін құрбандарын еске алып, аруақтарға құран бақыштады.
-1937-1938 жылдар аралығында қазақтың бас көтерер зиялы қауым өкілдері қуғын-сүргін құрбанына айналды. Бүгінгі ұрпақтың борышы осы жылдары жазықсыз құрбан болған жандардың есімдерін ұмытпай, тәу ету, – дейді Арқалық қалалық ардагерлер кеңесінің төрағасы Түбекбай Әубәкіров.
ҚР Мәдениет қайраткері Ораз Нұрғали зұлмат құрбаны, ұлт ұстазы Ахмет Байтұрсынұлының «Аққұм» әнін нақышына келтіре орындады.
Жиналғандар тәу етушілер шерлі жылдарда шейт болған бейкүнә жандардың рухына тағзым етті.
Репрессия жылдары Қостанай облысында 121 түрлі ұлтқа жататын 7000 адам жазықсыз ажал құшты.
Шұға ҚОҢҚАБАЙ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31