Орталық алаңға тігілген қазақы киіз үйдің жаны халыққа толы болды
Олар қазақтың жаңа жылы болып саналатын Ұлыстың Ұлы күнін қарсы алу үшін жианлды. Сары самауырында шәй қайнап, қара қазанда сары бауырсақ пісіп жатты. Шағын ауылдың тұрмыс – тіршілігін насихаттайтын осы бір көрініс қазақы дәстүрімізді қайта жаңартқандай сезімде болдық. Ұлттық киім киген тұрғындар құшақ жайып амандасып, мал мен жанның саулығын сұрасты. Қытымыр қыстан қысылмай шығып, көктем мерекесіне жетіп, көңілдері жайланғандай.
Мерекені тамашалуға келген барлық адамдар наурыз көжеден, палаудан, шелпек нан мен бауырсақтан дәм татты. Аудан әкімі жергілікті тұрғындарды наурыз мерекесімен құттықтады.
– Наурыз – жыл басы ретінде шығыс халықтарына, күллі түркі қауымына ортақ мереке. Біріккен ұлттар ұйымының Наурызды халықаралық мереке ретінде қабылдауы да сондықтан. Баршаңызды Ұлыстың Ұлы күні – әз Наурыз мейрамымен шын жүректен құттықтаймын. Ежелден жаңару мен жасампаздықтың, ырыс пен берекенің арқауы болған наурызбен бірге ызғарлы қыстың орнын шуақты көктем басып, тіршілік қайта түлейді. «Бұл мереке әр уақытта халқымызды іргесі сөгілмеген бірліктің, еңселі ерліктің, ырыс пен бақ-берекенің мерекесі болып саналады. Ұлыстың ұлы күні елімізге ырысы мен ынтымағын әкелсін! Бірлігіміз бекем, ауызбіршілігіміз мол болып, тіршілік жаңаратын наурызда ниет еткен барша тілектеріңіз қабыл болсын. Әрбір шаңыраққа Қыдыр қонып, бақ дарысын! Жыл жемісті болғай, – деді аудан әкімі.
Дала сахнасында күмбірлеген күй, әуезді ән шырқалды. Наурыз мерекесінің басты кейіпкері Қыдыр ата елмен қауышып, ақ батасын берді.
Байбатыр НИЯЗБЕКҰЛЫ
Люди опасаются, что этой весной стихия нанесет новый удар, то есть до окончания реконструкции, пишет…
Жасанды интеллектінің қырсырын меңгерген ұстаз Степан Галкин Денисов ауданындағы Гришен ауылында тұрады. (далее…)
Крупный трофей Михаилу Кравченко удалось вытащить на озере в селе Диевка. (далее…)
Практически половину своей жизни Евгений Арбузов посвятил сварочному делу, которое стало для него не просто…
Татьяна Зайцева – пример заботливой и трудолюбивой мамы. (далее…)
Женщина, инвестировавшая 21 млн тенге, узнала от полиции, что она стала частью мошеннической схемы. (далее…)
This website uses cookies.