Қазақтың қара домбырасының шанағына күмбірлеген күй төгілді

   Күмбірлеген күй – өмірдің нұры, көңілдің ажары

19 наурыз – «Жаңару күні» Жангелдин ауданының өнерпаздары жаңа серпінмен ерекшеленді. «Жаңару күні» барша адамзат баласын ортақ мақсаттарға және ынтымаққа жету жолына үндейтін күн.

Бақыт пен ынтымақты өнерден тапқан торғайлықтардың есімдері тарих беттеріне алтын әріптермен жазылары сөзсіз. Себебі, бүгін жұдырықтай жұмылған бірліктерінің дәлелі ретінде «Аспаптар үні» аясында 150 домбырашы екі күйді лезде орындады. Білім ордасының қара шаңырағына айналған, бір жарым ғасырдан астам тарихы бар Ы.Алтынсарин атындағы жалпы білім беретін мектебінің концерт залында бас қосқан аудан өнерпаздары айтулы мерекеге жаңаша серпін берді. Жангелдин ауданының «Құрметті азаматы», удандық ардагерлер кеңесінің төрағасы Қарсақбай Бірмағанбетов мерекеге байланысты құттықтау сөз сөйледі.

«Бүгін біздің аудан үшін ерекше күн. Себебі, 150 домбырашы бір арнада тоғысып, қазақтың қасиетті қара домбырасының шанағынан күмібірлеген күй төкті. Бізде арқалынып отырдық. Қазақ халқы қашанда ұлттық аспаптарды дәріптеген. Әр қазақтың төріндекем дегенде бір домбыра ілулі тұру керек. «Нағыз қазақ, қазақ емес, нағыз қазақ домбыра» деп ата – бабаларымыз тегіннен тегін айтпаған. Сондықтан ұлттық құндылығымызды қастерлеуіміз керек. Баршаңызды бүгінгі «Жаңару күні» мерекесімен шын жүреткен құттықтаймын. Өнерлеріңіз өрлей берсін», – деді ардагерлер кеңесінің төрағасы.

Алдағы шілде айында өтетін «Ұлттық домбыра күні» мерекесіне арналған дайындықтың бастамасы деп қабылдағанымыз жөн. Биыл аталған мереке күні 500 домбырашы бірмезетте 7 күй орындайтын болады.

                                                       Байбатыр АХМЕТБЕКОВ