Жастар мен жасөспірімдер арасында классикалық пауэрлифтингтен өткен Қостанай облыстық чемпионатында Қарасу құрамасының 9 спортшысы жүлдегер атанды.
Соның ішінде 1 және 2-орын алған спортшыларымыз алдағы 19 сәуірде Ақсай қаласында өтетін пауэрлифтингтен ҚР чемпионатына қатысып, Қостанай облысының намысын қорғайды. Облыстық турнирге Қарасу құрамасының сапында 13 спортшы жарысқа қатысты. Соның төртеуі ғана жүлделі орынға іліге алмады. Бірақ, үздік алтылықтың қатарынан табылды. Қалған тоғызы жеңімпаз.
«Чемпионат жоғары деңгейде ұйымдастырылғанын атап өту керек. Спортшыларымыз жарысқа жоғары дайындықпен барды. Сын сағатта өте жақсы өнер көрсетіп, тапсырманы сапалы орындады. Соның арқасында тамаша нәтижеге қол жеткіздік. Қарасулық спортшыларға мол сенім артамыз. Ақсай қаласында болатын ел чемпионатында облыс құрамасын алға сүйреп, бұдан да зор нәтиже көрсетуіне тілекшіміз. Негізінде, біз алдын ала жоспарлап, алдымызға меже қоямыз. Сол межеге жету үшін еңбектеніп, әрекет етіп, тырысамыз. Спортшыларымыздың қазіргі жетістігі сол еңбектің, үздіксіз дайындықтың арқасы»,- деді команданың жаттықтырушысы Батырхан Ермағамбетов.
Облыстық чемпионаттың қорытындысында Амирхан Байжанов пен Аслан Кужантаев «Спорт шеберіне үміткер» нормативін орындады.
Қыздар арасында:
Елизавета Сардиванова 43 кг салмақ дәрежесіне дейін өнер көрсетіп – 1 орын;
Дарина Мосиенко 47 кг салмақ дәрежесінде – 1 орын;
Мадина Закирова 57 кг салмақ дәрежесінде – 2 орын;
Мадина Кобекова 69 кг салмақ дәрежесінде – 3 орын алды. Жалпы қыздар арасында Елизавета Сардиванова 3 – орынға ие болды.
Жігіттер арасында:
Амирхан Байжанов 59 кг салмақ дәрежесінде – 1 орын
Павел Белов 59 кг салма дәрежесінде – 2 орын
Евгений Мелентьев 66 кг салмақ дәрежесінде – 1 орын
Данил Колохов 66 кг салмақ дәрежесінде – 2 орын
Аслан Кужантаев 74 кг салмақ дәрежесінде – 2 орын алды. Жалпы жасөспірімдер арасында Евгений Мелентьев 1 орын, Аслан Кужантаев 3 орынға ие болды. Осы арада бірінші және екінші орындарға ие болған спортшылар ҚР Чемпионатына автоматты жүрде жолдама алғанын еске саламыз.
Спорттың пауэрлифтинг түрі бойынша астықты аймақта Қостанай, Рудный қалалары мен Қарасу ауданынан ең мықты спортшылар шығып жүр. Байрақты бәсекеде қарасулық пауэрлифтингшілер облыс намысын қорғап, жоғары нәтижеге қол жеткізеді деген үміттеміз.
Қымбат ДОСЖАНОВА
Суретті жолдаған Қарасу құрамасының жаттықтырушысы Батырхан Ермағамбетов.
Қамысты ауданында көктемгі су тасқынының алдын алу мақсатында кешенді дайындық жұмыстары жүргізілуде. (далее…)
Таким образом они демонстрируют богатое наследие казахского народа, а также это позволяет детям глубже изучить…
Отбасылық эстра жұлдыздары (далее…)
Өткен жылы Арқалықта 17 тұрғын мемлекеттік бағдарлама арқылы 400 АЕК көлемінде қайтарымсыз грантқа ие болып,…
Местные власти акцентируют внимание на профилактике нештатных ситуаций природного характера. (далее…)
Оқиға биылғы жылдың қаңтар айында белгілі болды. (далее…)
This website uses cookies.