Ең үлкен бақыт – сүйікті ісіңмен айналысу.
Бұл – Қамысты ауданына қарасты Қамысты ауылының тұрғыны Бестаубай Жалаушыбаевтың өмірлік ұстанымы. Тәуелсіздік алған 33 жылда бірқатар аудандар да еңбек еткен жүргізуші бұл істі мұқтаждық емес, құштарлықпен атқарады. Кез келген қиын жағдайға тап болған ауылдастарына көмектесуге ылғи да әзір.
Жақында көктемгі су тасқыны кезінде апаттың алдын алу, салдарын жою ісіне белсенді атсалысып, құтқару, қалпына келтіру жұмыстарына көрсеткен көмегі үшін ҚР Төтенше жағдайлар министрлігі бірқатар азаматтарды «Суға батқандарды құтқарғаны үшін» медалімен, министрліктің Құрмет грамоталарымен және Алғыс хаттарымен марапаттады. Арасында қарапайым азаматтар да марапатқа лайық деп танылды. Аталған марапаттарды Қостанай облысы төтенше жағдайлар департаментінің бастығы Дамир Ермағамбетов табыстады.
Солардың қатарында – Қамысты ауданы Свердлов ауылдық округінің жүргізушісі Бестаубай Жалаушыбаев та бар. Ол Қазақстан Республикасы Төтенше жағдайлар Министрлігінің Алғыс хатын иеленді.
-Шынымды айтсам, мұндай марапатты өзім де күтпедім. ҚР Төтенше жағдайлар министрлігінен хабарласып, Қостанай қаласында марапаттау рәсіміне шақырды. Биыл өңіріміз үшін көктемгі су тасқыны оңай болған жоқ. Жолдарды су басып кеткен кезде, күн-түні демей ауылдастармен бірге қайықпен тұрғындарға дәрі, азық-түлік жеткізіп тұрдық, – дейді ол.
Дегенмен, ауылдастарының алғысын алуды қымбат санайтын ол сүйікті ісінен ажырамақ емес.
-Менің жүргізуші мамандығына деген қызығушылығым ерекше болды. Ең алғаш Таран ауданында (қазіргі Бейімбет Майлин) жүргізуші болып еңбек жолымды бастадым. Жалпы, қайырымдылық жақсы қасиет ғой. Қысылған жанға көмек беріп, алғысын алсам сол сүйікті ісімнің нәтижесі деп білемін. Қазір ауыл әкімінің жүргізушісімін. Өткенге көз жүгіртіп қарасам, ұзақ жылғы еткен еңбек жолымда ешқандай жол апаты, басқа да жағдайлар орын алған емес. Бір ұл, бір қызым бар. Ұлым үйленген, жұбайым екеуіміз немере сүйіп отырған жайымыз бар»,- дейді Бестаубай Мұхамбетуалиұлы.
Шұға ҚОҢҚАБАЙ
Район находится в зоне рискованного земледелия, и температурный режим там всегда на порядок ниже, чем…
Сделано это для поддержки отечественных товаропроизводителей. Об этом сообщает "Наш Костанай" (далее…)
6 апреля завершился чемпионат Костанайской области по волейболу среди женщин, в котором приняли участие 13…
Новая система FACE ID предотвращает попадание в учреждение образования посторонних лиц, тем самым обеспечивая безопасность…
Из-за теплой погоды активность клещей в этом году началась раньше, чем в прошлом. Об этом…
Подрядчик, выигравший тендер на строительство объекта, сейчас судится с отделом ЖКХ. Об этом сообщает "ТоболИнфо"…
This website uses cookies.