Жанкелдин ауданына Қазақстан мұсылмандар діни басқармасының өкілі келді

 Ысырапшылдыққа жол жоқЫ.Алтынсарин мұражайында Қостанай облыстық «Аймағанбетқажы Спан ұлы» мешінің Бас имамы Уәлиев Бектұрсын Торғайбайұлымен кездесу өтті. Кездесу барысында Бас имам 12 қарашада Қостанай қаласында өткен “Дін мен дәстүр: ысырапшылдықтың алдын алу” тақырыбындағы конференцияда талқыланған мәселелерге тоқталды. Конференцияда қабылданған шешім жөнінде жинынға қатысушылармен пікір алмасып, сұрақтарға тұшымды жауап берді.Аталмыш жиыннан өте көп мағлұматқа қанық болдық. Расымен қазіргі қоғамда белең алған ең өзекті бес мәселені алға қойып сол жөнінде Бас имам Бектұрсын Торғайбайұлы кеңінен түсінік берді.

«Қазіргі таңда бәсекелестік қоғамда үлкен рөл атқарып тұр.Соның салдарынан жағдайы төмен отбасылар жұрттан қалмаудың амалын жасап соңы қарыздан бас алмай қиын жағдайға тап болып жатқанды көп кездестіріп жүрмін. Той томалақ болғамағандықтан ысырапшылдыққа жол беру дінімізге қайшы дүние. Күні кеше конференцияда өзекті бес мәселе қарастырып, соған шектеу қойылса деген ұсыныс тастап, сол жөнінде халықққа түсінік жұмыстарын жүргізіп жүрген жайымыз бар.

-Алдымен, жаназа болмай тұрып, бірніші күнгі берілетін «Қонақ асының» мағынасын, ол дастархан кімдерге жайылу керек екені жайлы айта кетейін, « Қонақ асы» аты айтып тұрғандай сырттан келген туған – туысқа, ағайынға ғана жайылу керек. Одан бөлек қазіргі таңда аста жайылатын дастархан мәзірінің арнайы тізімін құрып, сол бойынша ғана жасау керек . Себебі, қалалық жерде бірі бірінен асып түсемін деп, тойға дайындалғандай ысырапшылдық жасап жатқандар саны артып келе жатыр. Сол себепті оны бірінің қалтасы көтергенімен, енді бірі жұрттан қалмайын деп қарызданып қауғаланып жасайтынын ескеруіміз керек. Сондай ақ, жылдық ас, қырық күндік аста жасалатын естелік видеороликтің мазмұны. Ондағы таңдалған фотолар, мен таңдалған әуеннің өзі маңызды. Төртіншіден намазда екі адамнан артық кісінің сөз алмауы және құлыптасқа фото сурет қою қателік екенін бірі білсе бірі біле бермейді. Фото сурет қоймаудың басты себебі, сұрақ жауапқа тартылған пенденің көмекші періштесі «Рахмат» періште сурет бар жерге кіре алмайды, соны ескеріп, білмеген жандарға дұрыс жеткізіп жүрсеңіздер,»-деп сөзін түйіндеді Бас имам.

Көтерілген мәселелерді жиынға қатысушылар толығымен қолдады.Ысырапшылдықтық алдын алсақ, бәсекелестікте тиылар еді.

Аягөз ФАЗЫЛБЕКҚЫЗЫ
Суретті түсірген: автор