Жанкелдин ауданы, Сужарған ауылды абаттандыру жұмыстары қарқынды жүргізіліп жатыр

Ауылдың сәні – елдің берекесі

Өткен жылы аталмыш ауылдағы Байтемір көшесін өзгерту туралы облыстық ономастикалық комиссияға ұсынылған болатын.
Облыстық ономастикалық комиссиясының келісіміне орай ауыл әкімінің 2023 жылдың 24 шілдесі номері 7 шешіміне сәйкес, Бәйтемір көшесіне соғыс ардагері, алғашқы Речной (қазіргі Сужарған ауылы) совхозының директоры болған Ғабдікен Манановтың есімі берілді.

Ғабдікен Манановтың ұрпақтары оның ішінде Нұрғалиевтар отбасы кеше ғана дүниеден өткен сенат депутаты болған Жеңіс Нұрғалиев бастаған және оның бауырларының қолдауымен аталарына берілген көшеге ауылға сән беріп тұру үшін еврошарбақ орнатып берді.

– Қазіргі күні жұмыс толық аяқталды. Тек әрлеу жұмыстары жартылай істеліп, ауа-райының суытуына байланысты тоқтап тұр. Бұл жұмыстарды ауыл тұрғындары Орынбасар Искаков, Рамазан Сапар және әкімшілік қызметкрелері Жанат Мұқатов, Қанат Мұқатов, Бағдат Айсағалиев, Айдарбек Елшібеков, Даулет Мекебай, Алтынбек Әшім, Олжас Нұрмұхамед, Алтай Өміржан, Айдын Мұқатов, Асылан Базарбай өздерінің үлестерін қосып, көше шарбақтарын орнатты. Ғабдікен Манановтың және ұрпақтарына Нұрғалиевтер отбасына Сужарған ауылы тұрғындарының атынан алғысымды білдіремін», – дейді ауыл әкімі Берік Әубәкіров.

Әр азамат өзінің туған жеріне көңіл бөліп, қолынан келген істі жасаса, ауылдың ажары нұрланып, елдің мерейі өседі.

Байбатыр АХМЕТБЕКОВ