Мәжіліс депутаты Сарыкөл ауданына келді

Еркін Әбіл АЭС салу Қазақстанның энергетика саласында үлкен перспективалар ашатынын атап өтті

6 қазанда Қазақстанда атом электр стансасын (АЭС) салу мәселесі бойынша маңызды референдум өтеді. Осы маңызды оқиға қарсаңында республикалық штаб мүшесі, ҚР Мәжіліс депутаты Еркін Әбіл аудандағы мәдениет, спорт, Урицк мектеп-лицейінде аудан педагогтарымен және жастармен кездесулер өткізді.

Сапар барысында өткен осы үш негізгі кездесуде депутат АЭС салудың қажеттілігін және оның ел үшін мүмкіндіктерін егжей-тегжейлі түсіндірді. Өз сөзінде Еркін Аманжолұлы АЭС салу Қазақстанның энергетика саласында үлкен перспективалар ашатынын атап өтті.

-Атом энергетикасы – бұл тек сенімді энергия көзі ғана емес, сонымен қатар еліміздің ұзақмерзімді энергетикалық тәуелсіздігін қамтамасыз етудің бір жолы. Климаттың жаһандық өзгеруі жағдайында біз электр энергиясын өндірудің таза әрі қауіпсіз шешімдерін іздеуге міндеттіміз, – деді депутат.

Оның айтуынша, атом электр стансасы бүгінде еліміздің энергия қажеттілігінің 70%-ға жуығын қамтамасыз ететін, бірақ сонымен бірге қоршаған ортаға елеулі зиян келтіретін көмір электр станцияларына тәуелділікті айтарлықтай төмендетеді. АЭС іске қосылуы көмірқышқыл газының және басқа да ластаушы заттардың шығарындыларын азайтуға мүмкіндік береді, бұл Қазақстанның климаттың өзгеруімен күреске қосқан маңызды үлесі болмақ.

Сонымен қатар, мәжілісмен осындай айтулы жобаларды талқылауға, шешім қабылдауға жастарды тартудың маңыздылығын айта келе, ел болашағы жастардың қоғамдық өмірге белсене араласып, негізгі бастамалардан хабардар болуына байланысты екенін жеткізді.

Кездесулер кезінде қатысушылар белсенді түрде сұрақтар қойып, өз пікірлерін білдірді. Депутат диалогтің маңыздылығын атап өтіп, алдағы референдумда әр дауыс елдің болашағы үшін маңызды екенін жеткізді.

Руслан ӘЛКЕЕВ