Қамыстылық отыз түлектің оны мемлекеттік грантқа өтті

 Биыл Қамыстыда отыз баланы оны мемлекеттік грант иегері атанды.Қамысты ауданында 2023-2024 оқу жылын 11 сыныптың 62 түлегі аяқтады. ҰБТ-ға түлектердің 30 немесе 48,4% қатысты, орташа балл 65 балды (облыс бойынша орташа көрсеткіш – 74,9 ) құрады. Түлектердің 10-ы немесе 33,3%-ы мемлекеттік білім грантына ие болды. Соның бірі – Карина Карагулова. Ол Қамысты аудандық №2 жалпы білім беретін мектебінің түлегі. Мектепте жақсы оқыды. Өзін жақсы жағынан таныта білді. Биыл Карина ұлттық бірыңғай тестілеуде жоғары балл алып, А.Байтұрсынұлы атындағы Қостанай өңірлік университетінің студенті атанды.
-Мемлекеттік грантқа оқуға түстім. Ұлттық бірыңғай тестілеуден 89 балл алдым. А.Байтұрсынұлы атындағы Қостанай өңірлік университетінің математика пәні мұғалімдігіне оқуға түстім. Қалаған мамандығыма түстім. Ата-анамның үмітін атқадым. Өз мақсатыма жеттім, – дейді қуанышпен мектеп түлегі Карина Карагулова.

Каринаның бала күнгі арманы – мектепте мұғалім болу.

-Мен мектепте оқып жүргенімде математика пәнін жақсы көрдім. Жоғары сыныпқа келгенде алдымызда болашақ мамандығымызды таңдау мәселесі тұрды. Кішкентай кезімнен математика пәні ең қызық сабақ болғандықтан, тағдырымды математикамен байланыстырғым келді, – дейді ол.

Мемлекет басшысы өз сөзінде білім беру сапасын жақсарту және білім беру мекемелерін материалдық-техникалық қамтамасыз етуді одан әрі жақсарту мәселесінің маңыздылығын бірнеше рет атап өткен болатын. Аудандық білім бөлімінің мәліметінше, өңірдің білім беру саласында 12 жалпы білім беру мектебі бар, оның ішінде 8 орта және 4 негізгі, жалпы білім алушылар саны – 1403 адам. Бүгінгі үні өңірде 3 қосымша білім беру ұйымы жұмыс істейді. 44 үйірмемен секцияға 1 238 оқушы қатысады. Мектептерде 10 филиал ашылған, бұл 762 оқушы қатысады. Жалпы аудан бойынша алты жасқа дейінгі балалардың 98,2%-ын қамтиды.

Шұға ҚОҢҚАБАЙ